用夢想去搵食

一提到追求夢想，別人第一個反應多數是：「邊搵到食呀？」於是一係鐵了心不追夢，一生安穩平凡地做人，一係有心理準備付出沉重代價，無前途、無錢途、無得搵食，甚至隨時血本無歸。不過有沒有想過夢想與搵食，不一定對立，也有可能並存？只要你真心熱愛你的夢想，就會想盡辦法用夢想去搵食，最後你會發現，原來夢想都可以搵到食。

最近要拍攝今年DJ班的宣傳片，與不同的團體合作，其中一個叫Secret Tour HK，是一個介紹本地鮮為人知的景點的組織。當天跟他們參觀了幾個灣仔的重建和保育項目，認識本港的城市規劃。他們所舉辦的活動大多都是免費，而組織負責人為了專心發展業務，甚至辭去廣告公司的工作，我問他：「你們怎樣維生呢？」他回答：「要維生是不容易的，主要參加者的打賞，所以收入不穩定，有時很多，有時連車錢都蝕埋，但為了想讓更多人認識香港的不平凡之處，所以賺少d都要做。」這個組織成立了一年多，如果要蝕做，無可能捱到今時今日。雖然組織負責人沒有講詳情，但透露經營此組織維持到成本，只是比以前做打工仔時賺少了而已，消費的習慣亦因而改變。他由以前吃晚飯等閒花上兩百多塊，到現時規定自己每餐晚飯只能用五十元。雖然少了錢用，但換來能夠做自己喜歡的事，你認為划不划算？



怕跌怕痛怕樣衰怕醜怪
怕個世界覺得你奇怪
怕未做過想法太kai
太遠太怪太出軌太踩界
太過多D世俗道理
太現實太低估自己

如其成日發夢希望夢想成真，倒不如認真d做返d嘢去實現夢想，可能係食少幾餐自助餐，買少幾件衫，去少了幾次旅行，生活係就係「差咗」，但同時少咗制肘，等自己有更多空間去追求自己喜歡嘅嘢。夢想，唔一定淨係喺發夢嗰陣先會出現！

相關文章：
突破DJ訓練課程 2012：夢想
08年學員亞瑩 x Secret Tour Hong Kong
活著但是沒靈魂
No more regret
為什麼你要做?
現在就是最好
Dare to be different.
Copy of the copy
夢想就在轉角處