有主見？想死呀！

人人都話要有個人想法，不可以一式一樣，不可以不求甚解地跟大隊走，但有一個時候，不能有主見，不要有思考，總之要跟大隊，若不，小則被人__，大則是一項死罪。你知道在何時嗎？

有一次，我在舊公司負責寫一個proposal，申請一筆基金撥款，大老細之所以叫我去寫，是因為我剛入行，沒有太多嘅定包袱和思想框框；大老細又話無agenda，叫我放膽去寫，於是我閱讀基金的申請細則，以及了解過基金的撥款要求後，在符合「遊戲規則」的情況下，提出一個較具創意的想法，例：以民間鬼故來包裝古蹟導賞團，一來夠啅頭，二來令住在該區的居民可以向市民介紹社區歷史，既增加就業機會，又加強社區網絡，我以為大老細會非常欣賞我這個另類的想法，但事與願違...

大老細看過我的計劃書後，話好有創意和個人想法，但因舊公司以前未做過，沒有相關經驗，強烈建議我用一些較穩陣的做法，即「抄考」以前成功申請到基金的方案，因較有保證申請到撥款，令公司有資金運作。我遊說大老細嘗試新的做法，但愈講我便愈發現他其實有hidden agenda，並不是真的希望員工有個人想法，而且極希望我能跟他那一套，不要再抗辯下去。最後我放棄了自己的觀點，因為我知道拗來都無用。有個人觀點不是不好，但當領導已經心中有決定時，最好不要有自己的想法，否則贏咗場交，輸咗份工就無謂啦。



矇著耳朵　那裡那天不再聽到在呼號的人
矇著眼睛　再見往昔景仰的那樣一道疤痕

打工又好，做人又好，成日都話要有個人想法，但當影響到領導嘅利益嗰陣，就會要求大家唔好有主見，最好領導話乜就乜！咁又係，同上頭撐到咁「行」為乜吖，少則無咗份工，大則會無啦啦失蹤或者比人困住。話明主見，主見，就算有幾咁有主見都好，都要睇吓做「主」嗰個想唔想「見」你先得嘅！