我有個朋友的朋友，他會用一萬多元買一部相機，我稱之為高科技垃圾(!)，因為那人並唔係買佢嘅攝影功能－因為佢根本唔諗住影嘢－而係買部相機的另類功能－讓人變得與眾不同(又或者叫做“曬命”！) 所以唔識用唔緊要，最緊要係拎部機出嚟嗰陣能夠營造“識影相”，“專業”嘅感覺，惹來全場艷羡目光就得啦！而且你唔駛替你朋友肉赤，皆因曬命係為咗顯示自己有幾特別，所以部機無返咁上下貴，邊突顯到佢同你地嘅級數唔同呀！肉赤死都抵啦！
好多人都追求獨特，所以當人人都用傻瓜機時，有人就刻意用單反！貪佢夠型！甚至有人以為自己買咗部單反，自己就即刻變成攝影大師！其實依家大家買嘢，不講求實用和功能，而係以為擁有咗某d嘢，自己就即刻變得好特別，所以相機又好，手機，袋，錶，衫褲鞋袜都好，已淪為營造品味與型格嘅“道具”，作用同裝飾品差不多，都係用嚟襯衫而已，我地以為買咗著咗用咗，個人就即刻升呢，但事實上，我地死慳死抵地買嗰件好貴嘅“道具”，係咪真係能夠令人自信心返晒嚟？令人變得與別不同？其實諗深一層，嗰d“好pro”，“好型”，“好high class”，“好獨特”嘅感覺，全部都係由商家製造出嚟嘅形象(幻象)，件產品根本唔值得賣咁貴，例如：一個銀包嘅功能只係裝錢，最多咪賣百零二百蚊，但係一樣質料嘅銀包，一旦加咗Parda，LV等品牌logo後，就可以賣成幾千蚊！點解可以賣咁貴？因為商人不斷“教育”我地，催眠到我地相信擁有咗嗰件產品後，自己會變擁有品牌所代表嘅氣質，於是我地會心甘命抵咁買，從不發現商人嘅詭計，之不過，買一件產品就可以氣質人格大逆轉？發夢無咁早！我就寧願個銀包裡面有幾千蚊，好過用一個幾千蚊嘅銀包喇！咁你呢？
我最怕變成像你一般 比一般的大眾更一般
這看法卻其實最一般 別自滿
過去我以為力創新款 想不到他亦有個版本
很不滿 到最尾卻發覺 個個都這般 太悶
自覺的 不普通可會是平凡一種
未見得 自命特別的一定更加出眾
又要公眾認同 又想風格小眾
這一群 原來是我們 難道你未贊同
沒有留言:
發佈留言