故事提要:
我用了香港寬頻兩年, 原來我和香港寬頻的家居寬頻合約在今年12月頭到期, 佢d sales早在5月時便不停打電話來遊說我提前續約(一日至少5次), 我覺得好煩同不想太早續約, 便狠狠炳了那sales一鑊, 並要求佢在合約差不多夠期先再打電話來
10月22日, 香港寬頻的sales又再打來, 表示有優惠: $140/25MB, 佢當時話"已經係最優惠的價錢", 我見用開香港寬頻, 而且佢又幾穩定, 廢事轉來轉去, 就答應續約, 新合約訂在11月1日生效
點知相距只有10日!!! 11月1日香港寬頻竟然推出$99/100MB!!!!! 就算點講都好, 我一定唔會相信香港寬頻的sales在叫我續約時, 完全不知道即將推出新優惠! 我有理由相信香港寬頻刻意隱瞞銷售內容! 因為度廣告story board, 要搵production house拍廣告, 同電視/報紙/雜誌買廣告位, 呢d一定要預早做, 無可能10月底都未做o野, 所以我肯定香港寬頻班sales係刻意誤導舊客續約!
仲有, 試問$99/100MB, 邊有可能做得住? 為封蝕本門, 香港寬頻就要班舊客捱貴plan, 補貼班新客! 兼且要幫佢做埋sales搵新客, 你話幾過份!(雖然是陰謀論, 但不無道理)
我不是因為自己無得用$99/100MB才生氣, 而是香港寬頻在遊說我續約時, 沒有揭露有這個選擇, 如果我在知道我要幫佢搵新客的情況下, 而我都肯同佢續約, 便是與人無尤, 無得怨, 但問題是: 香港寬頻根本無講過有新優惠, 最過份的是死撐話當時的offer已經係最優惠! 這不是欺騙是什麼?
第一回合:
$99/100MB廣告出街後, 我打電話去嘈香港寬頻, 佢就死都唔肯轉我做$99/100MB! 我當然火滾, 就寫投訴信給消委會和不同媒體, 而換來的答覆是:
消委會: 轉介我的個案比返香港寬頻, 並要求香港寬頻給我解釋
其他媒體: click here
結果: 香港寬頻表示願意豁免新合約中三個月月費! 當然我不能接受!!
第二回合:
我繼續向消委會和其他媒體投訴香港寬頻這種形同虛設的"賠償"
結果: 香港寬頻除了免收新合約中三個月月費, 再在24個月約後加送三個月月免費寬頻服務!!!
如果你係我, 你覺得點?
我覺得不如你請我飲兩罐汽水都無咁嬲!!! 兩年後的事, 誰可擔保? 何況呢個咁"優惠"的offer, 只是每個月收平$20! 既然咁無誠意, 不如唔好比!
一直以來, 我都無鬧過香港寬頻的sales, 但今次真係忍無可忍! 我無法接受這個小恩小惠的安排, 所以我要求與香港寬頻中止合約! 而且我知道有個案最終成功轉到$99/100MB, 我不能相信香港寬頻不可以更改我的合約, 只是香港寬頻不！肯！做！而！已！於是, 我便問香港寬頻的CS點解我不可以轉成$99/100MB, 對方的回覆是: 「公司根據內部指引並視乎不同個案而決定, 所以你的個案不能轉」(意即: 「我鍾意比邊個就邊個, 就係唔比你, 吹咩!」) 當天, 我同香港寬頻個CS片足45分鐘, 炳到佢七彩! 最後佢答應按照我的舊約用到12月, 而新約則不生效, 不用賠償!
雖然我要找新寬頻公司, 可能要比多d錢, 但我實在不齒香港寬頻如此卑劣的營商手法, 實在嚥不下這口烏氣!
在今次的事件中, 我學到要出聲爭取這個硬道理! 本來我都打算認命, 不向香港寬頻爭取, 但與其他朋友傾談下, 才發現中伏的人比我想像的多!!!!(只要去各大forum, 便會發現有好多人都上了香港寬頻的賊船) 而且我愈想愈發現自己沒有理虧, 就應該盡全力同香港寬頻死過! 結果是點都好, 都要出聲! 因為自己不出聲, 就不會有人幫到你!
今次香港寬頻可以橫行無忌的原因是, $99/100MB的確好吸引, 所以即使有好多人鬧爆香港寬頻, 都仲有好多人邊陰陰嘴笑班舊客傻仔, 邊幫襯香港寬頻, 所以香港寬頻即使比人數臭, 依然有大把錢袋袋平安. 不過, 可以預期的是, 香港寬頻今日可以咁昆班舊客, 他日都可以用更陰毒的招數對兩年後變成舊客的人...點解香港寬頻竟然不顧商譽, 得罪一班舊客, 一次過清空客戶的信任? 唔通佢唔打算再做? 否則今次咁做, 長遠而言, 無疑等於自招損失!
前車可鑑: i-cable收費都平啦, 但點解d人唔多肯用佢? 就係因為佢個brand name臭晒!
價錢平, 未必是消費者是唯一考慮!!!
*****
請即加入--強烈遣責香港寬頻不良推銷手法 facebook：
http://www.facebook.com/group.php?gid=175555847918
沒有留言:
發佈留言