最初是由交換飾物開始，我一向都知道女生會有很多飾物，但我萬萬想不到可以多到這個地步！本來我只打算交換一天好了，到最後竟然要連辦兩天！
後來，我還跟女同事交換衣物，每逢轉季就舉行，大約一年兩三次，暱稱「姊妹淘」。
每次「姊妹淘」都有意想不到的衣服出現，例如：狂野風、宮廷風、民族風...每每令人喜出望外。最神奇的是，我不時能在同事的衣服中，找到與自己穿著打扮 極其相似的衣物，似如自己買一樣的合襯！在揀衫的過程中，我和一眾同事會談談配襯方法，甚至即時在衫堆找來一些衣物配搭配搭，看看效果。有時，當她們找到 一些『認為適合我的衣服』時，就力勸我去嘗試：「反正唔駛錢，試咗先。如果效果唔錯，下次你咪知可以買o個d衫；如果唔得，咁咪知有咩衫唔o岩自己囉！」。因為這樣，我試了一些以前從未想過的衣著打扮，哈，原來自己都可以咁著喎！同事的意見，就像一塊鏡，讓我知道自己體型的優勢和局限，哪些衣服可以隱惡揚善，哪些衣著打扮要避之則吉。我以前認為只有擁有模特兒的身型，才會美麗，但原來只要好好掌握自己體型的比例，也可以變得漂亮。
搞swapping party，要注意參加者體型要相約，燕瘦環肥，乜都要有d，否則沒有相似尺寸的衣物能夠交換，心情就難免戚戚然啊。
不過，我覺得更加重要的是「信任」，因為要是懷疑別人不會帶品質良好的東西來交換，就不會願意把優質的東西跟人無條件分享。有時見到其他free cycling活動，叫大家拎東西來，又免費任人拎東西走。我十分欣賞這份大愛，但可惜人的天性是自私，往往因為不認識其他人，即使拿了垃圾來放，都不會知道是誰帶來。沒有這種監察，就令本來是分享資源，讓資源重配的美好活動，變了垃圾散貨場，任何人都得不到所需。
要做到彼此有信任，我覺得參加者互相認識是十分重要，因為跟朋友分享，斷不會／敢拿垃圾出來分享吧？（如會，我好懷疑大家係咪當對方係朋友？）如果想keep住朋友式分享的清純（？），活動一定要private，不能吸納陌生人參與，頂盡只可以由朋友再帶幾個朋友參與。因為大家互相認識，就會互相監察（！），就算見到好多東西想要，但為了保持形象，都不敢在朋友面前狼呑虎嚥地狂掃（好虛偽呀呵？）。我最怕在free cycling／以物換物活動中，見到有人係又拎唔係又拎（我都係呢種人ok？），拿到滿手都是東西，但其實用不著，間接令有需要的人得不到有用的東西，破壞了活動的原意，甚至有時我會腹黑地想，會不會有人把免費得來的東西拿去賣呢？當然，打得開門做生意（？），其實無法杜絕這種情況，要令人懂得只取所需，可能要靠教育。至於點教，唔...我仲未想到啊！嗚。
相連的結：
反消費的另類淘寶
有關「姊妹淘」的二三事
Share & Enjoy -- 飾物交換日
捨。得
Goodbye
窮人大作戰: 以物易物
Less is more.
沒有留言:
發佈留言