人生的角色

以前我會努力追求工作表現，希望事業有一番成就。為此，我付出很多心力，精神和時間，返工時固然搏到盡，放工後還是滿腦工作，想著如何推展計劃，寫計劃書，找贊助商，人回到家，心卻仍在辦公室。幾年下來，我總算得到上司的信任，開始放手讓我作更多的嘗試，要負責的工作愈來愈多，愈來愈大型，同時我愈來愈少時間陪家人和朋友，但我認為值得的，因為我相信在職場上有一番表現，才算是一個「成功」的人。

但一個遊戲令我改變對「成功」想法。

有次，朋友叫我在一張摺了一半的紙上寫一項我覺得自己最成功的東西，我就填了工作，然後朋友打開整張紙，原來紙的另一半有一句說話：「窮得只剩下＿＿」，連同我剛才所填的答案，整句說話就是：「窮得只剩下工作」，正正是我的生活寫照。

當我以為「成功」就是工作表現卓越，甚至不惜一切去換取，但原來自己很窮很可憐。

那麼，什麼才是真正的「成功」？



打開電視先知，深宵有個節目係講財經新知，
除左一大堆數字，節目裡面仲有一句melody，
重覆又重覆，令我開始覺得侷促，唔舒服；退縮，其實係一場自我侮辱。
決定，諗清楚，諗下點解自己每晚受緊同一個折磨，
只怪自己太忙、太狂、太喪、太慌，變左工作狂，
就算想傾偈，但係冇人制，除左工作關係，都冇乜幾多個朋友仔，
生活冇乜調劑，多得自己將個生活圈子縮到最細。

好多打工仔好似我咁，日日做嘢朝九晚十一，忙成咁，扣埋沖涼食飯返工搭車D時間，一日之中，淨係得返半夜二至六可以做自己嘢。其實，忙到斷晒六親都只係可以做好打工仔呢個角色，而人生其他角色，例如：做人個女，做人導師，好多好朋友嘅老死等等角色我又做成點呢？有時我都會撫心自問，喺咁多個角色之中，我有邊幾個做得好呢？其實就算比我搵到好多錢，出晒名，甚至做埋老細，但係人生其他角色就做到一塌糊塗，到第時埋單計數嗰陣，我的人生又算唔算「成功」呢？

我不是說不要努力，只是別因為單一角色而令其他角色的演出失準。如果真的要我選擇的話，現在的我唯有選擇放棄工作那部份的戲份，因為我知道人生的舞台還有很多角色，而有些角色只能演一次，我相信如果可以做好那些角色，都一樣是「成功」，因為人生最終的「成功」，不一定只有一套標準。