人長大了，就慢慢發現好朋友不一定要天天見面，通電話講心事，keep住聯絡才能維繫友誼，因為大家都很忙，但一切在心中。即使忙、少見面、少溝通，但彼此都清楚知道，要是自己有事，對方一定會撲出來幫手。
我和他就是這種關係。
我和他每個星期都一起開咪，我們很少講心事，也不是天天見面，聚在一起時多數度橋傾idea做節目，像公事上的夥伙多過好朋友。不過，我知道當我有困難時，他一定會義不容辭地幫忙。
有一次，節目進行改革，整個節目結構改變，分成幾個小環節，為此要錄demo，看看新環節效果，又要一次過錄製幾個新jingle同promo，要同時仍要運作每星期的節目，再加上我當時剛開始夜晚part-time讀書，可以說是應接不瑕。有一晚當我mix一大堆jingle同promo mix到頭昏腦脹、毫無頭緒時，他問我：「需要幫手嗎？」，其實我沒有告訴他我的情況，因為通知他的工作也很忙，不想打擾他，但他還是眉精眼企地知道我極需協助，可是又沒有以高高在上的姿態來施予幫忙，只是淡淡的問一問，由得我決定是否需要幫忙。那時，我想起這首歌。
喺其中一集「反斗奇兵」入面，胡廸比人捉走咗，巴斯光年排除萬難去救佢，就算有危險，好辛苦，但係巴斯光年都無say no，因為佢哋係好朋友。我同他睇起上嚟唔多似好好嘅朋友，似工作拍檔多一點，而且佢仲成日取笑我，好似對我好衰，但我同他相識多年，認識他的為人，他即使口中沒有說什麼，我好清楚知道，如果當我有難時，他都會好似巴斯光年咁嚟救我。對吧，KK？ ;)
沒有留言:
發佈留言