「我無做大佬好耐喇！」

今年是第一次八月沒有教DJ班。

過去很多年暑假都要教班，就算想去玩都行不開。雖然是八月才教班，但工作早就由年頭開始：要構思宣傳主題和設計，安排宣傳品在各個渠道見街，又要約嘉賓做分享，仲未計面試、印notes、搵人帶warm game等大小事務...還有，我仲要每個星期開咪做電台節目，要錄音、mixing、約訪問、搵資料同改稿！

以上的工作，幾乎由我一個人策劃，再找人幫忙完成。簡單來說，我是大腦，其他人是手。當時幾乎所有東西都要由我帶動，其他人就算想幫，都未必知道點做。不是說我比其他人重要，反而是如果沒有人幫手，只有我一個人，根本做不來。

但說到底，我還是要做大大小小的決定、做好隨時應付學生搞唔掂就自己頂上的準備、諗定Plan A, Plan B甚至Plan C的打算，以防「可以錯嘅都錯曬」。不知不覺，我形成一種「大佬格」，覺得一切都要自己拆掂佢，但其實做大佬好辛苦，亦不是我的性格。

做大佬容易有盲點，看不到其他人的優點，不讓人有空間進步，不相信別人有能做到。當時有人講過我有霸氣，想必是這個意思。

今年，我所做的節目忽然被中止，轉去新的崗位，由一個人變成一team人。工作時，有人可以商量。自己想不通的地方，多幾個腦一齊jam，慢慢就會想通。滾水淥腳時，大家會互相補位，不再需要一夫當關。我慢慢發現，原來可以不用單打獨鬥，唔駛乜都自己攬上身。

終於，我不再需要做大佬。

然後，許多改變就出現。

今年不用教班的八月，我去了台灣做考察。沒想過可以去外地做訪問，大開視野。比著係仲要教班的日子，根本無時間行開。

當拒人於千里的「大佬力牆」消失，就可以讓人接近。今年，我終於遇上他。

要提醒自己，不要再做大佬（就算要做，都要做外柔內剛的暗盤大佬，嘿）。