最近跟一位牧者見面，對方說：「經一事，不一定長一智－－如果中間沒有經歷過整理，就累積不到智慧。」
最近得閒無聊，就會做「如果是我，我會點做」的小練習。
目的：介紹Trial and Error Lab
對象：中三學生
－－－－－－
大家最害怕的學科是甚麼？是中文的，請舉手。是英文的，請舉手。是數學的，請舉手。是通識的，請舉手。
不如大家又估下我好似你地咁大時，最怕的學科是甚麼？
我最怕的是英文科，特別是講同寫。唔單止我好似你地咁大嗰陣會驚，現在我已經大學畢業，仲有一個碩士學位，我仍然很怕出錯，怕講得不好，怕被人笑。
不敢犯錯，就不會知道錯在哪裡，同埋點樣唔再錯。
一直以來，我以為只要繼續喺中文世界生活，英文講得唔好都無所謂，但原來想令自己個世界闊d，良好的英語能力好重要。於是，我痛定思痛，上網搵下有無外國人教英文。我竟然喺全球茫茫人海之中，識到一個來自瑞典的女仔。她好有心機教我英文，每個星期都花1－2個鐘同我視象通話。她每次都比功課我做，仲好用心去改，話我知錯喺邊。初時我同她講英文文都好細聲，怕被她發現我的gammar錯曬，發音又唔準，但她說：「其實別人不會介意你文法不對，發音不精準，只要你用心嘗試溝通，他們會理解的。」
當有人話比你知，犯錯是沒有問題，就有勇氣嘗試。
之後我去了瑞典探那個女生，還去歐洲旅行一個月。去年再去瑞典參加她的婚禮，她都話我英文有進步。以後每當我驚錯、驚撞板，就會想起瑞典女生跟我說的那一句話。
Trial and Error Lab是一個比人嘗試同撞板的地方，這裡有一些做手作或創作的朋友，他們可以用比較低的成本租一個空間，去實踐心中夢想。但這裡是有期限，因為這個空間只有150日的空窗期，去到明年三月中，這個計劃的第一階段就結束，所以他們每一日都努力地令自己同目標近一點。
你會不會都有一些事情好想做到？不如set一個目標比自己，在150日內「訓身」完成吧！
